ИҖТИМАГЫЙ-СӘЯСИ ГОМУМТАТАР ГАЗЕТАСЫ

◄ башка яңалыклар

"Зөләйха күзләрен ача" спектакле "Алтын битлек"нең махсус премиясенә ия булды 

 

Гафури исемендәге Башкорт дәүләт театрының «Зөләйха күзләрен ача» спектакле өчен жюриның махсус премиясенә ия булды. Бүген Мәскәүнең Зур театр залында «Алтын битлек» милли театр премиясен бирү тантанасы булды. 

 

Казаннан Камал театры һәм Уфадан Гафури театры зур формалы спектакль белән алтышар номинациядә «Алтын битлек» милли театр премиясенә дәгъва иттеләр.  Камал театры артисты Искәндәр Хәйруллин дәгъва иткән “Драма театрында иң яхшы ир-ат роле” номинациясендә «Алтын битлек» милли театр премиясенә Воронеж камерный театрының татар чыгышлы актеры Камил Тукаев лаек булды. Ә татар режиссеры Айдар Җаббаров белән башкорт режиссеры АйратАбушахманов дәгъва иткән «Драмада иң яхшы режиссер» номинациясендә «Алтын битлек» милли театр премиясенә Кирилл Серебренников ия булды. 

 

Бу Россиянең иң дәрәҗәле театр премиясенең 25енче тапкыр бирелүе иде, дип хәбәр итә "Татар-информ". 


Бу язманы шәхси сәхифәгезгә дә урнаштырыгыз:

Архив

Котлыйбыз!

Фотохәбәр

Видеохәбәр